Әлмәт муниципаль районында 20 апрельдән 30 октябрьгә кадәр Әлмәт-Лениногорск автомобиль юлының 16,3 чакрымнан 21 чакрымына кадәр участогы транспорт хәрәкәте өчен вакытлыча ябыла.
Машина йөртүчеләргә федераль әһәмияттәге Казан-Оренбург һәм төбәк әһәмиятендәге Әлмәт-Иске Шөгер, Лениногорск-Азнакай автомобиль юллары тәкъдим ителә. Кирәкле юл билгеләре урнаштырылган әйләнеч хәрәкәтне оештыру схемасы ТР буенча ЮХИДИ белән килешенгән. Машина йөртүчеләрне юлның әлеге участогында үз маршрутларын алдан планлаштыруларын сорыйбыз.