Зур Казан боҗрасында җәяүлеләр кичүе корылмасын пыяла белән каплау эшләре башланды

2020 елның 18 мае, дүшәмбе

Татарстан башкаласында «Имин һәм сыйфатлы автомобиль юллары» илкүләм проекты буенча Зур Казан боҗрасының 1 этабы төзелеше дәвам итә.

Узган атнада Булатов урамыннан Ферма шоссесына кадәр уң һәм сулъяк съездларның тротуарларын һәм юл полотносын урнаштыру дәвам иткән. 2450 кв. м мәйданда тротуарлар һәм 4909 кв. м мәйданда юл киеме нигезенең өске катламы асфальтланган. Уңъяк съезд тротуары буенда 141 м су бүлү лотоклары монтажланган һәм 3000 кв. м мәйданда газоннар урнаштырылган. Юлның өске корылышын җәеп, элемтә челтәре мачталарын урнаштыру белән трамвай линияләрен сузу башкарыла.

Ферма шоссесы урамы аша юлүткәргечендә 968 куб метр бетон күләме белән трамвай юлының соңгы аралык корылмасы бетонланган. Бетон ныклыгын туплаганнан соң, опалубка һәм көч басмаларын төшереп, арматура сузу планлаштырыла. Бу борылыш съездлары һәм Ферма шоссесы урамы буенча төп юлны урнаштыру буенча эшләр башкаруны тәэмин итәчәк.

Җир өсте җәяүлеләр кичү юлы төзелешендә арматуралау, опалубканы монтажлау, конструкцияләрне бетонлау һәм монтажлау эшләре башкарылган. Баскыч җыеннарының металл конструкцияләрен монтажлау дәвам итә. Аралык корылмасын монолит поликарбонат белән каплау башланган.

Шулай ук яңгыр канализациясен урнаштыру, уң һәм сул съезд буенда тышкы яктырту баганаларын монтажлау дәвам итә.

Хисап атнасында 137 агач утыртылган. Яшел үсентеләргә су сибү системасы сузыла.

1 этап төзелешендә узган атнада 122 кеше һәм 30 берәмлек махсус техника эшләгән.

Мидхәт Булатов урамыннан Борисковская урамына кадәр 800 м озынлыкта Зур Казан боҗрасының 1 этабы төзелеше иң катлаулысы булып тора. Бирегә дүрт полосалы юл (һәр юнәлештә икешәр полоса) керә, ул беренче класслы шәһәр әһәмиятендәге магистраль урам категориясенә туры киләчәк. Каршы хәрәкәт полосалары арасында 9,5 м киңлектәге өлеше ике трамвай юлы өчен бүленәчәк, ә тротуарның киңлеге 2 дән 4,5 м га кадәр булачак. Ферма шоссесы өстендә беренче этап кысаларында 109,7 м озынлыкта һәм 35,78 м киңлегендә 4 транспорт хәрәкәте полосасы өчен юлүткәргеч төзеләчәк. Шулай ук җәяүлеләр өчен җир өсте юлы төзелеше проектланган.

1 этап төзелешен 2020 елның 30 августында - ТАССРның 100 еллыгына тәмамлау планлаштырыла.