Зур Казан боҗрасында җәяүлеләр кичү юлын эчке яктырту буенча эшләр тәмамланды
Мидхәт Булатов урамыннан Борисковская урамына кадәр 800 м озынлыкта Зур Казан боҗрасының 1 этабы төзелеше график буенча дәвам итә. Ул «Имин һәм сыйфатлы автомобиль юллары» илкүләм проекты буенча 2019 елның июлендә старт алды.
Узган атнада Ферма шоссесы өстендәге юл үткәргечендә автомобиль юллары йөри торган өлешләр янында деформацион җөйләр алдында чыдам катламнан күчмә участоклар урнаштырылды, уң һәм сул аралык корылмаларында рәшәткәле һәм барьер киртәләр урнаштыру дәвам итте. 4 нче номерлы терәк янында су бүлә торган улак урнаштыру башланды.
Борисковская урамы буенча җәяүлеләр өчен җир өсте кичүендә түбәндәге эшләр тәмамланды: конструкцияләрне монолит поликарбонат белән тышлау, аралык корылмаларының эчендә һәм 1-4 номерлы баскычтан төшү урыннарында култыксаларны монтажлау, 1 һәм 4 терәктә күтәртү платформаларын монтажлау, җәяүлеләр кичү урынын эчке яктырту. Моннан тыш, подрядчы 3 нче номерлы баскычтан төшү юлында авыш күтәргеч стойкаларын монтажлауга кереште. Трамвай линияләре буендагы тукталыш мәйданчыкларында пассажирларны утырту һәм төшерү өчен асфальт-бетон җәелде.
Ферма шоссесыннан Тула урамына борылыш участогында 3 нче номерлы терәк дивары буенда юл полотносы урнаштыру дәвам итә. Мәсәлән, 2154 кв. м мәйданда асфальт-бетонның түбән катламы һәм 219 кв. м мәйданда асфальт-бетонның өске катламы җәелде.
1420 метр борт ташы монтажланды.
Су сибү системасын урнаштыру буенча эшләр алып барылды.
ЗКБның 1 этабын төзүдә 77 белгеч һәм 27 берәмлек махсус техника катнашты.
Исегезгә төшерәбез, Зур Казан боҗрасының 1 этабы участогында дүрт полосалы юл төзелә, ул магистраль урам категориясенә туры киләчәк, шулай ук Ферма шоссесы өстендә 109,7 м озынлыктагы юлүткәргеч һәм җир өсте җәяүлеләр кичүе төзелә.