Фәрит Хәнифов: «Республикада юл эшләрен башкаруга 194 миллиард сум акча бирелде»

2022 елның 22 ноябре, сишәмбе

Татарстанда юл эшләре программасының якынча нәтиҗәләре турында, шул исәптән «Имин сыйфатлы юллар» милли юл проекты кысаларында, бүген Татарстан Республикасы Министрлар Кабинетында узган брифингта министр Фәрит Хәнифов сөйләде.

Республикада «Имин сыйфатлы юллар» милли проектын гамәлгә ашыру дәвам итә. 2022 елга «Имин сыйфатлы юллар» милли юл проектын финанслауның гомуми суммасы 9,78 млрд сум тәшкил итте, шуның 4,68 млрд сумы ТР бюджетыннан, 5,1 млрд сумы РФ бюджетыннан бирелгән.